Burela, 24 de agosto de 2022. O voceiro popular en Burela, Manuel Rouco, cre que a estas alturas do mandato municipal está sobradamente demostrada a ineficacia na xestión do goberno presidido polo socialista Alfredo Llano. Tan é así que ata o propio goberno local é consciente da situación e trata de parasitar proxectos e iniciativas do PP para que pareza que fai algo por Burela.
Manuel Rouco sinala: “Agrádanos comprobar como o goberno do señor Llano recompila e asume como propios, unha vez máis, os postulados do PP e os expón á veciñanza como orixinais. Neste caso referímonos ao proxecto da estación depuradora de augas residuais de Burela (EDAR), o único gran proxecto que anunciamos ao señor Llano a finais do ano 2019 que se ía executar en Burela en todo este mandato, e iso porque detrás atópase a garantía do Partido Popular. Trátase dun compromiso adquirido publicamente pola conselleira Ethel Vázquez na súa visita a Burela en maio do ano 2019, tras conversas mantidas co PP de Burela”.
O portavoz popular explica: “Gústanos que o goberno socialista do señor Llano, agora que se achegan as eleccións de maio do ano que vén, se lembre deste proxecto, que leva o selo de garantía do PP, porque o señor Llano e os seus concelleiros xa empezan a esconder no caixón todas aquelas promesas que serviron para embaucar a unha parte da veciñanza en maio de 2019 e así ir rascando votos por aquel entón”. Engade: “Nesta liña hai que lembrar o falido proxecto do pavillón para Burela, a ampliación da grada norte do Vista Alegre, o arranxo da grada de A Marosa, o polígono industrial para Burela, a relación de postos de traballo (RPT) no Concello e un longo etcétera de promesas incumpridas polos concelleiros deste goberno socialista”.
Para os populares, “diante da falta de ideas e de capacidade de execución, o goberno municipal trata de parasitar o traballo dos demais para así aparentar que fai algo por Burela”. Sinalan: “Dicimos isto con coñecemento de causa. Lembramos así os hortos urbanos, unha idea novidosa que levaba no seu programa a nosa formación, pero non figuraba no programa socialista; unha idea que plaxiaron para dar a imaxe de que os socialistas fan algo pola nosa vila, algo que, como poden comprobar día a días os veciños, non se corresponde coa realidade”.
Rouco di que “mellor lle iría a este goberno socialista se deixara de prometer proxectos que é incapaz de levar a cabo, pola súa escasa ou nula capacidade de xestión, e centrarse en adecentar, día a día, a nosa vila”.
Fundación Unicaja ha presentado en su centro cultural de Málaga la exposición ‘De Rafael a…
‘Calladita’, el primer largometraje dirigido por Miguel Faus, se estrena este viernes en los cines…
La Feria del Campo 4.0, el nuevo salón dedicado a impulsar la innovación del sector…
Chocomel, la marca de batido de chocolate de FrieslandCampina, ha realizado una donación de 38.537…
Quirónsalud, la Universidad Rey Juan Carlos y el Museo Nacional Thyssen-Bornemisza, han puesto en marcha…
LUGO, 15 (EUROPA PRESS) El presidente de la Xunta y líder de los populares gallegos,…
Esta web usa cookies.