Monforte de Lemos, 01 de setembro de 2022. O alcalde de Monforte, o socialista José Tomé, non se distingue precisamente pola súa eficacia na xestión do día a día de Monforte, cando se trata de resolver problemas en infraestruturas moi necesarias para a cidade. Por iso, o Partido Popular de Monforte está cada vez máis preocupado pola situación da ponte de Piñeira, dende que a finais do mes de xuño, afundiu por un lado a base dun dos seus piares, que quedou inservible como apoio da plataforma”. Así o sinala a portavoz popular, Katy Varela, que anuncia que levará unha iniciativa sobre este asunto ao pleno que celebrará a corporación monfortina no mes en curso.
Varela lembra que foi necesario cortar a ponte ao tráfico de todo tipo de vehículos. Indica: “No pleno do 26 de xullo, á vista da preocupación dos veciños, o PP de Monforte preguntou polo estado desta infraestrutura, prazos para o seu arranxo e custos; o alcalde contestou que non sabía”. Engade: “Un mes despois, a súa contestación nos medios de comunicación segue sendo a mesma, o cal nos resulta totalmente inaceptable. Non pode ser que máis de dous meses despois o alcalde aínda non coñeza os prazos de arranxo nin o custo da obra, polo menos de maneira aproximada”.
No PP sinalan que “a de Piñeira é unha ponte fundamental porque une dous barrios importantes da cidade: Piñeira, e polo tanto as zonas de Carude e a Compañía, xunto co barrio de Covas e a estrada de Ourense”. Engaden que “serve para desviar o tráfico do centro da cidade, polo que a xestión do alcalde e o seu equipo de goberno diante este asunto é inadmisible”.
Katy Varela está convencida de que ao socialista Tome só lle gusta gastar cartos en fogos de artificio, orquestras e asfalto novo, pero, cando se trata do mantemento normal da cidade, a súa xestión é alarmante deficiente”.
LUGO, 7 (EUROPA PRESS) El vuelco de un camión en la A-6 en el kilómetro…
Para las primeras horas del día en Lugo habrá más nubes que claros. Por la…
El valor medio de un club que disputa LALIGA EA SPORTS asciende, según datos del…
Según una investigación, China podría estar utilizando empresas tecnológicas para recolectar datos de usuarios en…
El compromiso, dedicación y humanidad de los profesionales de la Fundación Jiménez Díaz y su…
Este pasado fin de semana, la Policía Local de Lugo ha intervenido a un conductor…
Esta web usa cookies.