Lugo, 22 de agosto de 2022. A mellora das infraestruturas viarias que dependen da Deputación é condición necesaria para promocionar a zona rural da provincia. Neste terreo o goberno presidido polo socialista José Tomé ten colleitado un verdadeiro fracaso. Incluso cando se decide a acometer algunha das moitas obras precisas é incapaz de facelo de maneira que sexan atendidas as verdadeiras necesidades. É o caso das obras de mellora e pavimentación nunha parte da LU-P 2901, dende a LU-232 polo Burgo (Concello de Lugo) a Palas de Rei. Esta vía forma parte do Camiño Primitivo e ten un intenso tráfico peonil (peregrinos). O seu ancho, na parte que vai ser sometida a obras de mellora, é moi escaso o que provoca constantes situacións de risco para o tráfico rodado e peonil. O grupo provincial do PP, por medio do seu viceportavoz, Óscar Poy, faise eco das demandas dos veciños e reclama que nun tramo de 700 metros, dende o Burgo, en dirección a Palas de Rei, as obras inclúan o ensanche da vía ata enlazar co tramo que xa é máis ancho que o resto.
No seu momento, a Deputación, baixo a presidencia do popular Francisco Cacharro, deixou planificada a construción dunha variante. Pero o citado proxecto nunca se levou a cabo. Os veciños din que agora, xa que a Deputación acomete as obras de mellora da vía dende o Burgo, é o momento de aproveitar para ampliar o seu ancho nun tramo de 700 metros, a partir de O Burgo, en dirección a Palas de Rei, e ata enlazar co tramo que xa ten máis ancho, ata completar varios quilómetros. O viceportavoz popular, Óscar Poy, comparte plenamente a opinión dos veciños que demandan a ampliación do ancho da vía. Sinalan que a diario e practicamente durante todo o día pasan peregrinos, que camiñan por unha ou outra banda da estrada, o que crea problemas para a súa propia seguridade; é unha vía que rexistra abundante tráfico rodado, moito del maquinaria agrícola. Poy indican que os veciños aseguran que “ata agora houbo moita sorte, pero se isto sigue así, e non se lle dá máis ancho a estrada, en canto teña o novo pavimento e os vehículos circulen máis rápido, vai ser moi, moi difícil que non se produzan accidentes”.
La **Emilio Sánchez Academy** ha sido reconocida con la ‘**Middle States Athletics Program Distinction**’ por…
La primavera es un buen momento para adoptar unas rutinas de cuidado de la piel…
La Inteligencia Artificial (IA) es una oportunidad para transformar el modelo educativo y replantear los…
La empresa Atlántica, una reconocida firma internacional en el sector de las energías renovables, ha…
La CNMV recogió en el Código de Buen Gobierno de la Comisión Nacional del Mercado…
Un motociclista ha perdido la vida tras colisionar con un coche en el municipio de…
Esta web usa cookies.