Monforte, 18 de outubro de 2022. Unha e outra vez, o PP de Monforte vén avisando ao goberno local, presidido polo socialista José Tomé, da necesidade de mellorar as redes de saneamento e de abastecemento de auga. Os populares revisaron o estado da rede de sumidoiros tanto no centro da cidade como na periferia e comprobaron que están en estado moi deficiente, tupidos polas herbas e pola sucidade.
A portavoz popular, Katy Varela, lembra que “neste ano, tras dúas intensas tormentas, houbo en Monforte inundacións nas principais rúas da cidade”. Como consecuencia, explican os populares, aflorou á superficie, é dicir, a calzadas e beirarrúas “sucidade solidificada e ata ratas mortas”. Varela sinala: “O alcalde manifestou que as inundacións debéronse as fortes choivas e que os sumidoiros estaban limpos”. Fronte a esta afirmación, sinala a portavoz do PP, “procedemos a revisar os sumidoiros en diferentes rúas da cidade e comprobamos que o seu estado é lamentable”.
O PP atopou deficiencias en sumidoiros tanto no mesmo centro, como Hortas e Santo Domingo e noutras como a Rúa Abeledos. Tamén están mal, por citar outros casos, en Piñeira e no barrio da Estación.
Varela afirma: “É necesario que o goberno local se tome en serio o problema das infraestruturas hidráulicas e planifique accións a curto, medio e largo prazo para acometer as melloras necesarias, tanto na rede de auga potable como na de colectores”.
Advierten de "una amenaza impuesta" que "pone en peligro" el modelo socioeconómico de la zona…
El laboratorio británico AstraZeneca se ha fijado como objetivo alcanzar unas ventas de 80.000 millones…
Un 67% de las personas afirma que se asegura de cerrar la puerta de su…
El proyecto europeo SCORE ‘Ciudades Deportivas que se oponen al Racismo en Europa’, liderado por…
El acusado, para quien la Fiscalía pide casi diez años de cárcel, alega en la…
La Xunta de Galicia abre este martes el plazo para solicitar ayudas destinadas a la…
Esta web usa cookies.