Os deputados do PPdeG no Congreso asinan o Manifesto pola pesca, o marisqueo, a acuicultura e a cadea mar-industria europeas

O portavoz de Pesca do Grupo Popular, Joaquín García Díez, asegura que nos seus 18 anos dedicado a esta portavocía non se atopou un tema “tan preocupante e grave” como o que se consumará este domingo co peche de caladoiros decretado pola Comisión europea e que expulsará a centos de barcos de 87 zonas de pesca.

García Díez explica que estes caladoiros históricos van ser abandonados para protexer espazos mariños vulnerables “sen protexer aos pescadores, a súa forma de vida, en Celeiro ou Burela, por exemplo”.

Dirixíndose ao ministro, sinala que «estes anos non foi capaz de sumar aliados, capaz de crear unha fronte máis ampla para evitar esa decisión inxusta da CE. Vostede non soubo defendelos estes anos”.

Así mesmo, acusa o ministro de “mentir” cando di que foi o primeiro en alertar no mes de xullo cando as CCAA e o sector reuníanse no Ministerio para analizar esta decisión. “Non tivo tempo o Goberno desde entón de armar un recurso gañador para esta causa?”, pregunta.

O popular esixe a Planas que “presente xa o recurso porque en catro días centos de barcos abandonasen estas zonas sen ningunha alternativa. Cada día que pase desde este domingo cos barcos amarrados e a ruína dos tripulantes a responsabilidade será só súa».

Sinala que “nunca un ministro tivo tanto apoio detrás, porque desde o sector e as CCAA aseguráronlle que teñen que ir cunha soa voz, a do Goberno de España; e lémbralle que “somos a primeira potencia europea de pesca, presente xa o recurso, que pelexe a consecución dunha suspensión temporal e que a Comisión revise a súa decisión”.

“Ao presidente do Goberno da xente non lle vin ocuparse desta xente. Cóntello”, conclúe.